وہ غیر ملکی جو کہ گھریلو کام یا کولف کا کام کرتے ہیں ان کے لیے ضروری ہے کہ یہ حنوری، فروری ، مارچ 2013 تک کی ٹیکسوں کی قسط 10 اپریل  2013 تک جمع کرواد یں  ۔ وہ لوگ جو کہ وقت پر قسط جمع نہیں کروائیں گے ، انہیں معمولی چالان کے ساتھ قسط جمع کروانی ہو گی  ۔ان ورکروں میں وہ ملازم بھی شامل ہیں جو کہ بوڑھے لوگوں کی دیکھبال کرتے ہیں اور انہیں بدانتے کہا جاتا ہے ۔ یاد رہے کہ انپس کا یہ ٹیکس ہر تین ماہ بعد جمع کروایا جاتا ہے ۔ انپس کی یہ قسط ایک پرچی یا bollettinoکے زریعے جمع کروائی جاتی ہے اور یہ انپس والے کام کے مالک کے پتے پر روانہ کر دیتے ہیں ۔ اگر آپ کے مالک نے یہ پرچیاں حاصل نہیں کیں تو آپ انپس کے دفتر میں جاکر انہیں حاصل کر سکتے ہیں ۔اگر آپ ٹیلی فون کے زریعے حاصل کرنا چاہتے ہیں تو اس فون کا نمبر 803164ہے ۔ انٹرنیٹ کے زریعے حاصل کرنے کے لیے آپ کو www.inps.it  کی سائٹ کھولنی ہو گی ۔ اب یہ قسط تباکیریا یا tabaccheriaسے بھی جمع کروائی جا سکتی ہے بشرطیکہ اس کے پاس اجازت نامہ ہو ۔ ڈومیسٹک کام کے ملازمین کے لیے انپس کی قسط ان کی تنخواہ اور کام کے اوقات سے اخذ کی جاتی ہے ۔ اگر آپ ہفتے میں چوبیس گھنٹے کام کرتے ہیں تو اس صورت میں قسط کو اوقات کے مطابق تین حصوں میں تقسیم کیا گیا ہے لیکن اگر آپ ہفتے میں چوبیس گھنٹوں سے زیادہ ( پچیس گھنٹے کام کرتے ہیں ) تو اس صورت میں انپس کی قسط فکس کر دی گئی ہے چاہے اور اس میں تنخواہ مختلف ہو سکتی ہے ۔ یعنی اس کی قسط تہہ کرتے وقت تنخواہ کو مدنظر نہیں رکھا جاتا ۔ پچیس گھنٹے والے کنٹریکٹ میں انپس کے ٹیکس کم پڑتے ہیں ۔ لیکن اس میں شرط یہ ہے کہ یہ تمام پچیس گھنٹے ایک ہی کام کے مالک کے پاس کام کرتے ہوئے پورے کیے گئے ہوں ۔ یاد رہے کہ کام کا مالک انپس کی تمام تر رقم جمع کروائے گا ۔ اس میں وہ رقم بھی موجود ہو گی جو کہ ملازم کے کھاتے میں پڑتی ہے ۔ یہ رقم بوستہ پاگا یا پے سلپ کے زریعے بعد میں کاٹ لی جائے گی ۔ مندرجہ زیل ٹیبل میں گھنٹوں کی تنخواہ کے مطابق انپس کی قسط تہہ کی گئی ہے جو کہ ہر تین ماہ بعد جمع کروائی جاتی ہے ۔ CAUFکے بغیر والا کوٹہ اس صورت میں لاگو ہو تا ہے جب ملازم کام کے مالک کا رشتہ دار ہو ۔ کام کے مالک کی بیوی یا مرد ہو نے کی صورت میں یا پھر مالک کے تیسرے درجے تک رشتہ دار ہونے کی صورت میں یا کام کے مالک کے ساتھ شادی کے بغیر ازدواجی زندگی قائم رکھنے کی صورت میں کاؤف کے بغیر انپس جمع کروایا جاتا ہے ۔ نیچے دیے گئے گراف میں ہمیشہ کے کنٹریکٹ والے اور معینہ مدت کے کنٹریکٹ والوں کے ٹیکسوں کا زکر ہے ۔ وہ پاکستانی جنہوں نے ڈومیسٹک کام کی سوجورنو کی درخواست جمع کروا رکھی ہے ، وہ بھی یہ ٹیکس لازمی ادا کریں ۔

 
دائرے کے اندر والا کوٹہ ملازم جمع کروائے گا ، جس پرسٹار کا نشان ہے 

روم، 25 مارچ 2013 ۔۔۔ جیسا کہ آزاد اخبار پہلے بھی خبر دے چکا ہے کہ منگل سے کوٹوں کی درخواست دی جا سکتی ہے اور ہماری خبر کے مطابق حکومت نے کوٹوں کا اعلان کردیا ہے ۔ یہ غیر ملکی غیر یورپین ممالک سے تشریف لائیں گے ۔ 26 مارچ سے صبح 00۔8 بجے سے درخواستیں روانہ کی جا سکیں گی ۔ درخواستیں انٹرنیٹ کے زریعے دی جائیں گی ۔ آپ اس گائیڈ کے زریعے درخواست دے سکتے ہیں ۔ (qui una guida per prepararle)یہ غیر ملکی مندرجہ زیل ممالک سے آئيں گے ، ان ممالک میں پاکستان بھی شامل ہے ۔ Albania, Algeria, Bosnia-Herzegovina, Croazia, Egitto, Repubblica delle Filippine, Gambia, Ghana, India, Kosovo, Repubblica ex Jugoslava di Macedonia, Marocco, Mauritius, Moldavia, Montenegro, Niger, Nigeria, Pakistan, Senegal, Serbia, Sri Lanka, Ucraina e Tunisia۔ 5 ہزار کا کوٹہ ان ملازمین کے وقف ہے جو کہ مسلسل 2 سالوں سے اٹلی میں موسمی کام کرنے کے لیے آرہے ہیں ۔ ان کے مالک 2 سالوں کے لیے درخواست دے سکتے ہیں ۔ وہ ملازم جو کہ گزشتہ سال موسمی کام کے لیے آچکا ہے ، وہ خواہ اوپر درج کردہ ممالک میں شامل نہیں ہے ، وہ اسکے باوجود اٹلی میں کوٹوں کے زریعے آسکتا ہے ۔ یاد رہے کہ جب موسمی ملازم اٹلی میں آتا ہے تو اس پر لازم ہوتا ہے کہ وہ تھانے کے دفتر Sportello Unicoمیں جا کر سوجورنو کا کنٹریکٹ کرے اور جب ملازم اٹلی میں آتا ہے تو اسے 8 دنوں کے اندر تھانے میں جانا ہوتا ہے ، بعض بے ایمان مالک اس کے ساتھ پہلے 8 دنوں میں نہیں جاتے اور اس طریقے سے وہ لمبی رقم لیتے ہوئے خود بری ہوجاتے ہیں ۔ کوٹوں کا مکمل قانون پڑھنے کے لیے نیچے کلک کریں

Il testo del decreto flussi stagionali 2013
la circolare dei ministeri dell’Interno e del Lavoro

روم، 18 مارچ 2013 ۔۔۔۔ اٹلی میں موسمی ملازم بلانے کے لیے 20 مارچ سے کوٹے شروع کیے جا رہے ہیں ، وہ مالکان جو کہ اٹلی میں غیر یورپین ممالک سے موسمی ملازمین بلانے کے خواہشمند ہیں ، یہ لوگ بدہ کے روز سے اٹلی کی وزارت داخلہ کی انٹرنیٹ کی سائٹ nullaostalavoro.interno.it.سے درخواست حاصل کرتے ہوئے اسے پر کریں گے اور تیار کرنے کے بعد انتظار کریں گے ۔ کوٹوں کا اعلان حکومت کی منظوری کی بعد قومی رجسٹر یا Gazzetta Ufficialeدیدیا جائے گا ۔ کوٹوں کا اعلان وزارت کونصل کی جانب سے 15 فروری 2013 کو کیا گیا تھا اور اب وزارت داخلہ کے مطابق اس کا اعلان چند دنوں میں کیا جا رہا ہے ، اس لیے تمام مالکان سے گزارش ہے کہ وہ 20 مارچ صبح 00۔8 بجے سے لیکر درخواست حاصل کرتے ہوئے اسے محفوظ کرلیں ۔ یہ کوٹے 30 ہزار ملازمین پر مبنی ہیں اور یہ صرف ٹورزم اور زراعت کے شعبوں کے لیے جاری کیے جا رہے ہیں ۔ ان شعبوں کے حکام نے کہا ہے کہ 30 ہزار غیر ملکی موسمی کام کی کھپت کے لیے کافی ہیں ۔ وزارت داخلہ نے تمام مالکان سے درخواست کی ہے کہ وہ آرام سے درخواست دیں ، کیونکہ یہ کوٹے 31 دسمبر 2013 تک کھلے رہیں گے اور تمام مالکان انٹرنیٹ کے زریعے یا ٹیلی میٹک طریقے سے درخواست دے سکیں گے ۔ یاد رہے کہ مالکان زاتی طور پر یا پھر کسی کیٹگری کی ایسوسی ایشن کی مدد سے درخواست دے سکتے ہیں ۔ یاد رہے کہ سابقہ کوٹوں میں پاکستان کا کوٹہ 1000 ملازمین پر مبنی تھا ۔ ان کوٹوں میں دوسری دفع آنے والے ملازمین کو ترجیح دی جائے گی اور انہیں قطاروں میں نہیں لگنا ہو گا ۔ تحریر ، ایلویو پاسکا

روم، 7 مارچ 2013 ۔۔۔۔ اٹلی کی وزارت روزگار کے امیگریشن کے ڈائریکٹر Natale Forlaniنے کہا ہے کہ اس سال 30 ہزار موسمی ملازمین اٹلی آئيں گے ۔ یہ غیر ملکی غیر یورپین ممالک سے آتے ہیں اور اس کوٹے میں پاکستان بھی شامل ہے ۔ کوٹوں کا قانون پر ابھی بحث ہو رہی ہے اور یہ مختلف دفاتر کی منظوری کے بعد چند دنوں میں عمل میں آ جائے گا ۔ اس کوٹے میں ایک نیا اصول پیش کیا جا رہا ہے ، جسے silenzio –assensoکہتے ہیں ، یعنی خاموش اجازت نامہ ۔ اس اصول کے مطابق اس سال اٹلی میں 10 ہزار غیر ملکی آئيں گے ، یہ 10 ہزار تیس ہزار کے کوٹے کا حصہ ہیں ۔ خاموش اجازت نامے کے مطابق کام کے مالکان تھانے میں اس ملازم کو بلانے کے لیے درخواست دیں گے جو کہ گزشتہ سال بھی اٹلی میں موسمی کوٹوں کے زریعے آیا تھا ۔ اگر اس درخواست کے سلسلے میں 20 دنوں کے اندر تھانے والے کوئی جواب نہ دیں تو اسکے بعد مالک براہ راست غیر ملکی کی اٹالین ایمبیسی سے ویزے کے لیے اپلائی کردے گا اور اسے موسمی کام کا ویزہ جاری کردیا جائے گا ۔ یعنی تھانے کی خاموشی اجازت نامہ تصور کی جائے گی ۔ یاد رہے کہ ہر سال اٹلی میں زراعت اور ٹورزم کے کاموں کے لیے غیر ملکی اٹلی میں موسمی کام کرنے کے لیے تشریف لاتے ہیں ۔ یہ ملازم سٹرابری، انگور، سیب اور دوسرے پھلوں کو توڑنے کے لیے بلائے جاتے ہیں اور اسکے علاوہ سمندر اور پہاڑوں پر سیاحت کے سلسلے میں کام کرنے والے ہوٹلوں اور ریسٹورنٹوں میں انکی ضرورت ہوتی ہے