Monday, Jul 06th

Last update06:26:21 PM GMT

RSS

قومی خبریں

اشرف محسن اقبال کو یونان میں گرفتار کر لیا گیا

روم۔ 29 مئی 2013 ۔۔۔۔ اٹلی کے قصبے Brescelloمیں 2005 میں ایک 50 سالہ اٹالین عورت کے ساتھ جنسی زیادتی کرنے والے اشرف محسن اقبال کو یونان میں گرفتار کر لیا گیا ہے ۔ 2005 میں محسن نے اپنے تین دوستوں کے ساتھ ملکر ایک عورت سے جنسی زیادتی کی تھی ۔ پولیس کی رپورٹ کے مطابق ان چاروں نے ایک عورت کو جب وہ اکیلی سیر کررہی تھی ، زبردستی پکڑ کر ایک کار میں بٹھا کر اغوا کر لیا تھا اور اسکے بعد ایک گھر میں لیجا کر 5 گھنٹوں تک جنسی زیادتی کی تھی اور اسکا موبائل فون اور سونے کی بالیاں بھی چھین لی تھیں ۔ محسن اقبال اٹلی سے فرار ہونے میں کامیاب ہو گیا تھا اور پولیس اسکی تلاش میں تھی ۔ اب محسن کی عمر 30 سال ہے اور یورپین پولیس کی مدد سے اسے گرفتار کر لیا گیا ہے اور ایتھنز کی جیل میں بند کر دیا گیا ہے ۔ اٹالین پولیس فوری طور پر اسے اٹلی لیکر آئے گی اور اسے جج فرار ہونے اور جنسی زیادتی کی سزا دیگا ۔ محسن کو 7 سال قبل 8 سال کی قید دی گئی تھی لیکن اب سزا کی مدت زیادہ ہو گی ۔

Joomla Templates and Joomla Extensions by ZooTemplate.Com

بریشیا میں پاکستانی بچہ ڈوب کر ہلاک ہو گیا

روم، 14 مئی 2013 ۔۔۔۔ بریشیا میں ایک پاکستانی بچہ دریا Mellaمیں ڈوب کر ہلاک ہو گیا ہے ۔ بچے کی عمر 2 سال تھی اور اس کا نام محمد رانجھا تھا ۔ گواہوں کے مطابق بچہ اپنی والدہ سدرہ خضر اور اسکی بہن کے ہمراہ ایک پارک میں جا رہے تھے ۔ انہیں ٹریفک والی سڑک سے ڈر لگتا تھا ، اس لیے یہ اپنے گھر سے کچی سڑک پکڑ کرپارک تک آتے تھے ۔ یہ کچی سڑک دریا کے کنارے سے گزرتی تھی ۔ یہ لوگ سڑک پار کر رہے تھے کہ اچانک بچہ دریا کے اندر گر گیا ۔ ماں نے اسے بچانے کے لیے چھلانگ لگا دی اور یہ دونوں پانی میں بہہ گئے ۔ ماں کی 17 سالہ بہن نے انہیں بچانے کی کوشش کی لیکن ناکام رہی ۔ اس نے سڑک پر چیخنا اور چلانا شروع کردیا اور لوگ اسکی مدد کے لیے پہنچ گئے ۔ موجودہ بارشوں کیوجہ سے دریا کا پانی کافی تیز ہو گیا ہے ۔ خیر پولیس ، فائر بریگیڈ اور ایمبولینس جائے وقوع پر پہنچ گئی اور انہوں نے ایک کلومیٹر دور جا کر بچے اور ماں کو پانی سے باہر نکال لیا ۔ دونوں کو ابتدائی امداد فراہم کی گئی ۔ بچے نے ہسپتال میں پہنچ کر دم توڑ دیا اور ماں کی حالت نازک بتائی جاتی ہے ۔ یہ واقع بریشیا کے گاؤں Castelmellaمیں وجود میں آیا ہے ۔ بچے نے 22 اگست کو 2 سال کی عمر پوری کرنی تھی ۔ بچے کا والد ان دنوں پاکستان میں موجود ہے ۔

 

 

Joomla Templates and Joomla Extensions by ZooTemplate.Com

سسلی میں کرکٹ ٹورنامنٹ میں پاکستانی ٹیم فائنل میں

سسلی، 9 مئی 2013 ۔۔۔ سسلی کے شہر پلیرمو میں حالیہ کرکٹ ٹورنامنٹ کے مقابلوں میں پاکستانی ٹیم اعلی کارکردگی کی بنا پر فائنل میں پہنچ گئی ہے ۔ پلیرمو کے ملٹی کلچرل منصوبے Palermo apre le porte  کے تحت یہ ٹورنامنٹ منعقد کیا گيا ہے ۔ اس میں 4 ٹیمیوں نے حصہ لیا ہے ۔ اس میں 2 ٹیمیں سری لنکا کی ہیں اور اسکے بعد پاکستان اور بنگلہ دیش کی ٹیمیں موجود ہیں ۔ پاکستان کی ٹیم کا نام کنگ ان پلیرمو ہے ۔ ان ٹیموں کے کھلاڑی سسلی میں آباد ہیں ۔ یہ ٹورنامنٹ 7 مئی کو شروع ہوا تھا اور اس کا فائنل میچ 31 مئی کو کھیلا جا رہا ہے ۔ فائنل سری لنکا اور پاکستان کی ٹیم کے مابین ہوگا اور شائقین کی کافی تعداد شرکت کرے گی ۔ پاکستانی ٹیم کے کپتان اقتدار حسین نے کہا کہ ہماری ٹیم فائنل کے لیے تیاری کررہی ہے اور ہم امید کرتے ہیں کہ ہم اپنی بہترین بیٹنگ اور عمدہ  فیلڈنگ کے زریعے ٹورنامنٹ جیتنے میں کامیاب ہو جائیں گے ۔ رپورٹ ، سید شہزاد حسین نمائندہ آزاد سسلی

Joomla Templates and Joomla Extensions by ZooTemplate.Com

آخری تازہ کاری بوقت جمعرات, 09 مئی 2013 21:01

چلو چلو لوینیو چلو

روم، 3 مئی 2013 ۔۔۔۔ اٹلی کے دارالخلافہ روم کے ساحلی قصبے لوینیو میں تحریک انصاف اٹلی کا عظیم الشان جلسہ بروز اتوار 5 مئی شام 3 بجے منعقد کیا جا رہا ہے ۔ جلسے کے مہمان خصوصی اٹلی کی مشہور و معروف شخصیت اور تحریک انصاف اٹلی کے کوارڈینیٹر ندیم یوسف ہیں ۔ اٹلی میں آباد تمام خواتین و حضرات کو دعوت عام دی جاتی ہے ۔ میزبان عامر صدیق بسراایڈووکیٹ نے اپنے ایک بیان میں کہا کہ جلسے کی تیاریاں مکمل ہو چکی ہیں اور پورے اٹلی سے تارکین وطن شمولیت کے لیے تشریف لارہے ہیں ، سب سے زیادہ فون فیملیوں کے آرہے ہیں ۔ نیا پاکستان کا نعرہ حقیقت بن رہا ہے اور عوام کی بھاری اکثریت کی شمولیت اس بات کی گواہی ہے کہ لوگ عمران خان کی لیڈرشپ کے زریعے پاکستان کو بدلنے کا عہد کرچکے ہیں ۔ ہم تہہ دل سے اٹلی کے تمام مہمانان گرامی کو گرم جوشی سے خوش آمدید کہتے ہیں اور امید کرتے ہیں کہ لوگ وقت پر پہنچ کر جلسے کی رونق کو دوبالا کریں گے ۔ اس جلسے کا مقصد عوام میں قومی ولولہ اجاگر کرنا، سیاست سے دلچسپی، تحریک انصاف کی یقین دہانی اور امید کی کرن پیدا کرنا ہے ۔ ہمارا ملک پرانے سیاست دانوں سے تنگ آچکا ہے اور تبدیلی کا خواہشمند ہے ۔ اگر آپ اپنے پیارے ملک کو بچانا چاہتے ہیں تو ہمارا ساتھ دیں ۔

جلسے کی استقبالیہ میں عامر صدیق بسراایڈووکیٹ، شیخ خالد، شیخ تنویر، فاروق چوہدری، تحریک انصاف اٹلی کی وومن ونگ اٹلی کی صدر سدرا عامر، انفارمیشن سیکرٹری حنا عروج چوہدری اور دوسری اہم شخصیات شامل ہیں ۔ تمام خواتین و حضرات جلسے کی جگہ کا ایڈریس نوٹ فرمائیں

Viale Di Valle Schioia 67 Lavinio

 3203459644, 3331856444, 3779863490موبائل

Joomla Templates and Joomla Extensions by ZooTemplate.Com

دس سالوں میں اٹلی میں 35 لاکھ غیر ملکی داخل ہوئے ہیں

روم۔  ۔۔۔۔ اٹلی کے مردم شماری کے ادارے استات کے مطابق 2003 سے لیکر 2012 تک دس سالوں میں اٹلی میں 36 لاکھ غیر ملکی داخل ہوئے ہیں۔ صرف رومانیہ ملک سے 10 لاکھ غیر ملکی اٹلی میں رہائش پذیر ہوئے ہیں ۔ اسکے بعد انہیں دس سالوں میں 1 لاکھ 75 ہزار غیر ملکیوں نے اٹلی چھوڑ دیا ہے اور اسکے بعد 2 لاکھ 81 ہزار غیر ملکی لاپتہ ہوگئے ہیں یا پھر انہوں نے اپنا ریذیڈنس کٹوادیا ہے ۔ یہ وہ غیر ملکی ہیں ، جن کا ورک پرمٹ یا پرمیسو دی سوجورنو ختم ہوگئی ہے ۔ 2007 تک اٹلی میں داخل ہونے والے غیر ملکیوں کی تعداد بڑھتی ہوئی نظر آتی تھی لیکن 2007 کے بعد اس تعداد میں کمی واقع ہونی شروع ہو گئی تھی ۔ 2011 میں 3 لاکھ 86 ہزار غیر ملکی اٹلی میں رجسٹریشن کرواچکے ہیں اور اسی سال میں 82 ہزار غیرملکیوں نے اپنی رجسٹریشن کینسل کروادی ہے ۔ یعنی ہم کہہ سکتے ہیں اس سال میں 3 لاکھ 4 ہزار غیر ملکی اٹلی میں رجسٹرڈ کئے گئے ہیں ۔ غیر ملکی جو کہ اٹلی چھوڑ جاتے ہیں ، اکثر انکی عمر 34 سال ہوتی ہے اور ان میں 53 فیصد مرد شامل ہوتے ہیں ۔ وہ غیر ملکی جو کہ اٹلی میں داخل ہوتے ہیں انکی عمر عام طور پر 31 سال کے لگ بھگ ہوتی ہے اور ان کی اکثریت عورتوں پر مبنی ہوتی ہے  ۔ ان غیر ملکیوں کی 43 فیصد تعداد کا تعلق رومانیہ، مراکش، چین اور یوکرائن سے ہوتا ہے ۔ اٹلی چھوڑنے والے غیر ملکیوں میں رومانیہ کے غیر ملکی سرفہرست ہیں اور اسکے بعد چینی اور البانیہ کے غیر ملکی شامل ہیں ۔ 2011 میں اٹلی کے اندرونی شہروں اور قصبوں میں 13 لاکھ 58 ہزار غیر ملکیوں نے نقل مکانی کی ہے یا اندرونی ہجرت کی ہے ۔ 2010 کے مقابلے میں 13 ہزار غیر ملکی زیادہ دوسرے شہروں میں شفٹ ہوئے ہیں ۔ غیر ملکی اٹالین کی نسبت زیادہ اندرونی نقل مکانی کرتے ہیں ۔ ہر ایک ہزار غیر ملکیوں کے بعد 51 غیر ملکی اندرونی نقل مکانی کرتے ہیں جبکہ اٹالین صرف ہر ایک ہزار بعد صرف 21 اندرونی نقل مکانی کرتے ہیں ۔ سب سے زیادہ غیر ملکی جو کہ اندرونی نقل مکانی کرتے ہیں ان میں رومانیہ کے غیر ملکی شامل ہیں ، اسکے بعد چینی غیر ملکی شامل ہیں جو کہ اٹلی کے اندرون میں نقل مکانی کرتے ہیں

Joomla Templates and Joomla Extensions by ZooTemplate.Com