Friday, Jul 21st

Last update08:57:59 PM GMT

RSS

لیگل گائیڈ

تعلیم کی سوجورنو کو کام کی سوجورنو میں تبدیل کروانا

روم، 28 فروری 2013 ۔۔۔ یاد رہے کا وہ غیر ملکی جن کے پاس تعلیم کی پرمیسو دی سوجورنو ہے یا پھر ٹرینگ کی سوجورنو ہے ، ایسے غیر ملکی اپنی سوجورنو سے اٹلی میں 20 گھنٹے پر ہفتہ کام کرسکتے ہیں ۔ یہ لوگ  اپنی سوجورنو کی مدت تک 52 ہفتے کام کرتے ہوئے 1.040گھنٹے کام کرسکتے ہیں ۔ اس قانون کا نام (art. 14, comma 4 D.P.R. 394/99).ہے ۔ تعلیم کی سوجورنو کو کام کی سوجورنو میں تبدیل کروانے کے لیے ضروری ہے کہ غیر ملکی طالب علم یا اسپیشلائڑیشن کا کورس کرنے والے کے پاس تعلیم کی سوجورنو موجود ہو اور یہ ویلڈ ہو ، اسکے بعد غیر ملکی تھانے یا متحدہ دفتر میں جا کر سوجورنو کا کنٹریکٹ کرے گا ۔ تعلیم کی سوجورنو کو کام کی سوجورنو میں تبدیل کروانے کے لیے غیر ملکی کے پاس مندرجہ زیل کوائف ہونا لازمی ہیں ۔ سوجورنو کو تبدیل کروانے کے لیے درخواستیں مختلف ہوتی ہیں ، یعنی آپ نے کس قسم کا کورس یا ٹرینگ کی ہے اور کونسا ڈپلومہ حاصل کیا ہے ۔ وہ غیر ملکی جو کہ اٹلی میں اپنی تعلیم کا کورس مکمل کرتے ہیں ، یہ غیر ملکی  کوٹوں کا انتظار کرنے کے بغیر کام کی سوجورنو حاصل کر سکیں گے ۔

۔ تین سال کا ایم اے لیول کا کورس اور 180 کریڈیٹ حاصل کرنا

۔ 2 سال کی اسپیشلائزيشن کا کورس اور 300 کریڈیٹ یا پوائنٹس حاصل کرنا

۔ اسپیشلائزيشن کا ڈپلومہ حاصل کرنا جو کہ 2 سال پر مبنی ہو

۔ یونیورسٹی میں ڈاکٹریٹ یا پی ایچ ڈی کا کورس جو کہ 3 سال پر مبنی ہو

۔ یونیورسٹی میں ماسٹر کرنا جو کہ پہلے لیول پر مبنی ہو اور اسکی مدت 1 سال پر مبنی ہو

۔ یونیورسٹی میں ماسٹر کرنا جو کہ دوسرے  لیول پر مبنی ہو ، جسے پوسٹ ایم اے کی اہمیت حاصل ہو اور اسکی مدت 1 سال پر مبنی ہو

باقی تمام وہ غیر ملکی طالب علم اور ٹرینگ کرنے والے اسٹوڈنٹس جو کہ کورس کر رہے ہیں لیکن انہوں نے اپنی تعلیم یا ٹرینگ ختم نہیں کی ، انہیں تعلیم کی سوجورنو کو کام کی سوجورنو میں تبدیل کروانے کے لیے کوٹوں کا انتظار کرنا ہو گا ۔

غیر ملکی جب اپنی تعلیم کی سوجورنو کو کام کی سوجورنو میں تبدیل کروائے گا تو اسے اپنے صوبے کے دفتر SUIمیں درخواست دینی ہو گی ۔ غیر ملکی طالب علم اپنی سوجورنو کو کام کی سوجورنو میں تبدیل کروانے کے لیے فارم V2پر کرے گا اور یہ فارم اسے وزارت داخلہ کی سائٹ Ministero dell’Internoسے حاصل ہو گا ۔ جب غیر ملکی سوئی کے دفتر میں جائے گا تو اسے سوجورنو کے کنٹریکٹ کے لیے مندرجہ زیل کوائف پورے کرنا ہونگے اور یہ کاغذات فارم کے ساتھ نتھی کرنا ہونگے ۔

۔ غیر ملکی کا شناختی کارڈ اور وہ پرمیسو دی سوجورنو جسے یہ تبدیل کروانا چاہتا ہے

۔ کام کے مالک کا شناختی کارڈ

۔ غیر ملکی اسٹوڈنٹ کا ڈپلومہ ، جس سے یہ ثابت ہو کہ اس نے کورس ختم کر لیا ہے اور ٹرینگ بھی مکمل کر لی ہے

۔ کام کا کنٹریکٹ جو کہ مالک کی طرف سے کیا گیا ہو اور اس پر صرف مالک کے دستخط ہوں ، اس پر کام کی قسم اور کنٹریکٹ کی قسم ہونی لازمی ہے ، یعنی کتنے گھنٹے کا کنٹریکٹ ہے ، کام کونسی جگہ پر ہے ، وغیرہ وغیرہ

۔ مالک کی فرم کا سالانہ بچت کا سرٹیفیکٹ

۔ غیر ملکی کی رہائش کاسرٹیفکیٹ یعنی گھر کا کرایہ نامہ، گھر کے صاف ستھرا ہونے کا سرٹیفیکٹ یا idoneità alloggiativaیا گھر میں مہمان رہنے کا سرٹفیکٹ یا dichiarazione di ospitalità / cessione di fabbricato۔

۔ ڈاک کی ٹکٹ جس کی قیمت € 14,62ہو

اگر تمام کاغذات صحیح ہوں تو سوئی کے دفتر والے سوجورنو کے کنٹریکٹ کی ایک کاپی غیر ملکی طالب علم اور دوسری کاپی کام کے مالک کو دیدیں گے ۔ اس کے علاوہ یہ دفتر انکو ایک فارم ادا کرے گا ، جس کے زریعے پرمیسو دی سوجورنو حاصل کرنے کے لیے درخواست دی جا سکتی ہے ۔ یہ فارم بعد میں پر کرتے ہوئے ڈاک خانے کی پیلی کٹ کے ساتھ روانہ کردیا جاتا ہے ۔ اگر تمام کوائف پورے ہوں تو تھانے والے غیر ملکی طالب علم کو کام کی سوجورنو جاری کردیتے ہیں. تصویر میں اٹلی میں موجود پاکستانی طالب علم

 

 

 

Joomla Templates and Joomla Extensions by ZooTemplate.Com

پر میسو دی سوجورنو کو رینیو کروانے کا طریقہ کار

1۔ کس کے پاس جایا جائے

اگر آپ غیر ملکی ہیں اور پر میسو دی سوجورنو کو رینیو کروانا چاہتے ہیں تو مندرجہ زیل سوجورنو کے رینیو کے لیے آپ ڈاک خانے کے دفتر Sportello Amico میں جا کر درخواست جمع کروا سکتے ہیں ۔ ڈاک خانے کی کٹ پر کرنے کے لیے آپ ان کمونوں اور مزدور یونینوں کے دفتروں میں بھی جا سکتے ہیں ، جنہوں نے اس پروجیکٹ میں حصہ لینے کا عہد کیا ہے ۔

۔ سپرد کرنا  یا affidamento

۔ مذہبی بنیاد

۔ اسپیشل ریذیڈنس یا residenza elettiva

۔ تعلیم

۔ مشن

۔ سیاسی پناہ کی سوجورنو کی تجدید

۔ پروفیشنل ٹریننگ

۔ شہریت حاصل کرنے کے انتظار کی سوجورنو

۔ کام تلاش کرنے کی سوجورنو

۔ کارتا دی سوجورنو یا لمبی مدت کی سوجورنو

۔ بزنس

۔ ملازمت

۔ موسمی کام

۔ فیملی

۔ فیملی کے 14 سے 18 سال تک کے بچے

۔ آرٹیکل 27 کی کام کی سوجورنو

۔ ملک نہ ہونے کی صورت میں رینیو کی سوجورنو(apolidia)

 

باقی تمام پر میسو دی سوجورنو کے لیے آپ کو تھانے میں حاضر ہونا ہو گا ۔

اگر آپ کے پاس نلا اوستا یا کوٹوں کا ملازمت کا یا خاندانی بنیادوں کا  اجازت نامہ  ہے تو اس صورت میں آپ کو پریفی تورا کے متحد دفتر میں جانا ہو گا ۔ اگر آپ کسی اٹالین یا یورپین کمونٹی کے ایک شہری کے رشتہ دار ہیں اورآپ  کا تعلق بھی کسی یورپین کمونٹی کے ملک سے ہے تو اس صورت میں کارتا دی سوجورنو حاصل کرنے کے لیے آپ ڈاک خانے میں اور متحدہ دفتر میں جا سکتے ہیں ۔

2۔ڈاک خانے میں کیا کرنا ہو گا

اگر آپ غیر یورپین امیگرنٹ ہیں تو آپ کو ڈاک خانے میں جانا ہو گا ، جہاں آپ کو ایک پیلی کٹ یا فارموں کا لفافہ ملے گا ۔ یورپین کمونٹی کے شہریوں کے لیے نیلے رنگ کا لفافہ ہے ، جسے ختم کر دیا گیا ہے ۔ اس کٹ کو پر کرنے کے لیے آپ نے کوئی غلطی نہیں کرنی ہے ۔

کارپوریشن یا مزدور یونین کے دفتر میں کیا کیا جائے

یہاں آپ کو کٹ کی ضرورت نہیں ہو گی ۔ یہاں فارم پر کرنے کے ماہر آپ کی مدد کریں گے اور یہ مدد مفت کی جائے گی ۔

کٹ کو کہاں جمع کروایا جائے

کٹ کو ڈاک خانوں کے دوست دفتر یا sportello amicoمیں جمع کروایا جائے گا ۔ کٹ کا لفافہ کھلا رکھنا لازمی ہے ، اسے بند نہ کیا جائے ۔

یاد رہے کہ یہاں آپ کو اپنا اصل پاسپورٹ دکھانا ہو گا اور اگر آپ سوجورنو رینیو کروانے کے لیے جار ہے ہیں تو اس صورت میں پر میسو دی سوجورنو کی اصل کاپی لیجانی لازمی ہے ۔ اس کے بعد ڈاک خانے کا ملازم آپ کو ختم شدہ سوجورنو کے ساتھ ایک رسید دے گا ۔ اس رسید کی وہی اہمیت ہے جو کہ تھانے سے جاری کی جانے والی رسید کی تھی ۔

5۔ قیمت

۔ اگر آپ نے 90 دنوں سے زیادہ عرصے کی پر میسو دی سوجورنو رینیو کروانی ہے تو آپ کو ڈاک خانے کے دوست دفتر سے 27،50 یورو کی پرچی یا bollettinoحاصل کرنی ہو گی ۔

۔ ڈاک خانے کی ٹکٹ 14،62 یورو حاصل کرنی ہو گی۔

۔ درخواست پر کرنے کے بعد آپ ڈاک خانے کے ملازم کو کٹ دیں گے اور اس کے ساتھ آپ کو 30 یورو بھی دینا ہو نگے ۔

۔ اگر آپ کسی اٹالین یا یورپین کمونٹی کے ایک شہری کے رشتہ دار ہیں اورآپ  کا تعلق بھی کسی یورپین کمونٹی کے ملک سے ہے تو اس صورت میں کارتا دی سوجورنو حاصل کرنے کے لیے آپ ڈاک خانے میں اور متحدہ دفتر میں جا سکتے ہیں ۔ ڈاک خانے میں آپ ڈاک کی ٹکٹ اور پرچی نہیں لگائیں گے ۔

پر میسو دی سوجورنو کا جاری ہونا

تھانے کا امیگریشن کا دفتر آپ کو نوٹس جاری کرے گا ۔ اس کے بعد آپ کے فنگر پرنٹ لیے جائیں گے ۔ اس کے بعد آپ کے دیے گئے ایڈریس، ٹیلی فون یا موبائل پر آپ کو اطلاع دی جائے گی کہ آپ پومیسو دی سوجورنو حاصل کرنے کے لیے فلاں دن حاضر ہو جائیں ۔

7۔ امیگریشن کی سائیٹ www.portaleimmigrazione.itپر آپ مندرجہ زیل معلومات حاصل کر سکتے ہیں ۔

۔ پرمیسو دی سوجورنو کا طریقہ کار

۔  کارپوریشنیں اور مزدور یونینوں کا ایڈریس۔ ان میں وہ دفاتر شامل ہیں ، جن کو سوجورنو کی درخواست پر کرنے کی اجازت فراہم کی گئی ہے ۔

۔ ان ڈاک خانوں کے ایڈریس جہاں دوست دفتر موجود ہے

۔ اگر آپ اپنی سوجورنو رینیو کی درخواست کے بارے میں علم حاصل کرنا چاہتے ہیں تو آپ کو وہ دونوں کوڈ لکھنے ہو نگے جو کہ آپ کی ڈاک خانے کی رسید پر موجود ہیں ۔ انہیں password اور user idکہتے ہیں ۔

 اس کے علاوہ آپ ان نمبروں کو بھی استعمال کر سکتے ہیں ۔

 

800.309.309 ایک فری نمبر ہے اور یا Anciکے تعاون سے عمل میں آیا ہے ۔ عام معلومات  اور کارپوریشنوں اور مزدور یونینوں یا patronato کے ایڈریس حاصل کرنے کے لیے آپ اس نمبر پر کسی بھی وقت فون کر سکتے ہیں ۔ یہ نمبر 24 گھنٹے کھلا رہتا ہے ۔ اس نمبر سے اٹالین، انگریزی، اسپینش، عربی اور فرنچ میں معلومات حاصل کی جا سکتی ہیں ۔

 

803.160ڈاک خانے کا فری نمبر ہے ۔

اگر آپ ان ڈاک خانوں کے بارے میں معلومات حاصل کرنا چاہتے ہیں ، جہاں سوجورنو رینیو کروائی جاتی ہے تو آپ ڈاک خانے کے اس نمبر پر فون کریں ۔

یہ نمبر سوموار سے ہفتہ تک صبح 8 بجے سے لیکر رات 20بجے تک کھلا رہتا ہے ۔

 

848.855.888شہری کال کی قیمت سے جواب دیتا ہے

اگر آپ اپنی سوجورنو کی درخواست کے بارے میں جاننا چاہتے ہیں تو اس نمبر پر سوموار سے جمعہ تک صبح 8 بجے سے لیکر رات 20 بجے تک فون کر سکتے ہیں ۔

سوجورنو رینیو کروانے کی مدت کا تعین

سوجورنو کی تجدید کروانے کے لیے ضروری ہے کہ آپ سوجورنو کے ختم ہونے سے قبل اسے رینیو کروائیں ۔ اگر آپ کا کام کا کنٹریکٹ معینہ مدت والا ہے تو اس صورت میں سوجورنو ختم ہونے سے 60 دن پہلے جمع کروائی جاتی ہے اور اگر کنٹریکٹ ہمیشہ کی مدت کا ہے تو اس صورت میں 90 دن پہلے رینیو کی درخواست دی جاتی ہے ۔ اگر آپ اس مدت کے بعد اٹلی میں رہیں گے اور آپ کی سوجورنو ختم ہو گئی ہو گی تو آپ کو غیر قانونی تصور کیا جائے گا ۔ اگر آپ نے پرمیسو دی سوجورنو ختم ہونے کے بعد جمع کروانی ہے تو اس صورت میں 60 دن تک کا وقت درکار ہوگا لیکن آپ کو ظاہر کرنا ہو گا کہ آپ کو صحت کا مسئلہ تھا یا دوسری ایمرجنسی ہوگئی تھی ۔ عام طور پر تھانے والے اس سرٹیفیکٹ کے بارے میں نہیں پوچھتے لیکن آپ کو وجہ بیان کرنی ہو گی ۔

 

Joomla Templates and Joomla Extensions by ZooTemplate.Com

سیاسی پناہ کیسے حاصل کی جائے

1۔ آپ اٹلی میں اس وقت سیاسی پناہ حاصل کر سکتے ہیں جب

اگر آپ کے ملک میں آپ کا کوئی اس لیے پیچھا کر رہا ہے کیونکہ آپ کا مذہب، سیاسی گروپ ، نسل ، قوم ایسا ہے جو کہ کسی دوسرے گروپ کو نا پسند ہے ۔  یا آپ کے خیالات ایسے ہیں جن کی وجہ سے آپ کا پیچھا کیا جا سکتا ہے تو اس صورت میں آپ سیاسی پناہ حاصل کر سکتے ہیں ۔ اگر آپ کو اپنے ملک جانے کا خطرہ ہے تو اس صورت میں بھی سیاسی پناہ لی جا سکتی ہے ۔ سیاسی پناہ کی یہ تعریف جنیوا کے معاہدے کے مطابق تہہ پائی گئی ہے ۔

2۔ اٹلی میں اس صورت میں سیاسی پناہ حاصل نہیں کی جا سکتی جب

۔  اگر آپ نے اس سے قبل کسی دوسرے ملک میں سیاسی پناہ حاصل کی ہے

۔  اگر آپ ایسے ملک میں داخل ہوئے ہیں ، جس نے جنیوا کے معاہدے پر دستخط کیے ہیں ۔ آپ اس ملک میں ایک مدت تک رہے ہیں اور آپ نے وہاں سیاسی پناہ حاصل نہیں کی

۔   اگر آپ کو اٹلی میں ملک کی سالمیت کے خلاف سزا مل چکی ہے ، یا آپ نے کوئی پبلک سیکورٹی کو خطرہ میں ڈالا ہے، یا آپ نے چوری، ڈاکہ، غیر ملکیوں کی پامالی، اسمگلنگ، مافیا ، منشیات فروشی یا آپ کا تعلق کسی دہشت گرد گروپ سے ہے تو اس صورت میں سیاسی پناہ کا نہیں پوچھا جا سکتا ۔

۔  اگر آپ نے کسی ایسی جنگ میں حصہ لیا ہے جو کہ انسانیت کے خلاف تھی اور دنیا کے امن کو خطرے میں ڈالتی تھی تو اس صورت میں بھی سیاسی پناہ نہیں حاصل کی جا سکتی

3۔  سیاسی پناہ کہاں حاصل کی جاتی ہے

فرنٹئر پولیس کے دفتر میں جب آپ اٹلی میں داخل ہوتے ہیں ، اگر فرنٹئر پر پولیس کا دفتر موجود نہیں ہے تو آپ کسی علاقے کے امیگریشن کے پولیس کے دفتر میں جا کرسیاسی پناہ حاصل کر سکتے ہیں ۔

4سیاسی پناہ کیسے حاصل کی جاتی ہے ۔

آپ کو پولیس کے متعلقہ  دفتر میں جانا ہو گا جو کہ آپ کو چھپے ہوئے فارم جاری کریں گے ۔

۔ آپ کو سیاسی پناہ حاصل کرنے کیوجہ بیان کرنی ہو گی

۔ آپ کو وہ تمام کاغذات اور معلومات فراہم کرنی ہونگی جو کہ آپ کی سیاسی پناہ کے لیے سود مند ثابت ہو سکتی ہیں ۔

۔ پولیس والوں کو ویلڈ  پاسپورٹ یا شناختی کارڈ یا کوئی دوسرا ایسا کاغذ فراہم کرنا ہو گا ، جس سے آپ کی شناخت ہو سکے ، پولیس والوں کو ایک اٹلی کا ایڈریس بھی فراہم کرنا ہو گا ، جس ایڈریس پر آپ کی ڈاک وغیرہ ارسال کی جائے گی ۔ پولیس والے آپ کو ان تمام ثبوتوں کی اور آپ کے فراہم کردہ کاغذات کی اور کی جانے والی درخواست کی ایک کاپی آپ کے حوالے کر دیں گے ۔ اسی دن آپ کے فنگر پرنٹ لیے جائیں گے ۔

5آپ کی درخواست کا کون فیصلہ کرے گا

جب آپ تمام ثبوتوں اور کاغذات کے ساتھ درخواست جمع کروائیں گے تو تھانے والے فوری طور پر اسے سیاسی پناہ کے علاقائی کمیشن کے دفتر میں روانہ کردیں گے ۔ کمیشن والوں کو اختیار ہے کہ وہ آپ کی درخواست کو منظور کریں یا منسوخ کریں ۔ علاقائی کمیشن کے دفاتر اٹلی میں سات ہیں ۔ گوریسیا، میلانو، روما، فوجیا، سیراکوزا، کروتونے اور تراپانی ۔ کمیشن والے آپ کو حاضری کے لیے ایک پیغام ارسال کریں گے ۔ تھانے والے یہ پیغام آپ کے دیے گئے ایڈریس پر روانہ کر دیں گے ۔ اگر آپ نے ایڈریس تبدیل کر لیا ہے یا کرنا ہے تو تھانے والوں کو اس کی اطلاع کرنا بہت ضروری ہے ۔   یاد رہے کہ کمیشن کی ملاقات آپ کے لیے انتہائی اہمیت کی حامل ہے ۔ اس دن آپ کو سوچ سمجھ کر اپنے کیس کے متعلق بتانا ہو گا اور انتہائی دلیل استعمال کرنی ہو گی ۔ اگر آپ اس دن حاضر نہیں ہو نگے تو کمیشن والے آپ کے کیس کا فیصلہ منفی معنوں میں خود بخود کر دیں گے ۔

 6کمیشن کونسے فیصلے کر سکتا ہے

کمیشن والے آپ کی درخواست اس صورت میں منسوخ کردیں گے ، جب آپ ان کے لوازمات پورے نہیں کریں گے ، کاغذات مکمل نہ ہونے کیوجہ سے بھی درخواست منسوخ ہو سکتی ہے ۔ اس کے بعد کمیشن والے یہ دیکھیں گے کہ آپ کو اپنے ملک واپس روانہ کرنا آپ کے لیے خطرناک ثابت ہو سکتا ہے تو اس صورت میں وہ تھانے کو حکم کریں گے کہ وہ آپ کو انسانی ہمدردی کی پرمیسو دی سوجورنو فراہم کردے ۔ یہ سوجورنو ایک سال کی جاری کی جاتی ہے اور اس پر کام بھی کیا جا سکتا ہے ۔ اس سوجورنو کو دوبارہ رینیو بھی کروایا جا سکتا ہے ۔ اگر کمیشن والے آپ کی درخواست کو مکمل طور پر ریجیکٹ یا نا قبول کرتے ہیں تو اس صورت میں تھانے والے آپ کو اٹلی چھوڑنے کا حکم جاری کردیں گے ۔

7اگر آپ کو اٹالین زبان نہیں آتی

اگر آپ کو اٹالین زبان نہیں آتی تو اس صورت میں آپ ایک ترجمان کی درخواست کر سکتے ہیں ۔ یہ ترجمان یا ثقافتی ترجمان آپ کے فارم پر کرے گا اور آپ کے بیانات کا تمام تر ترجمہ بھی کرے گا ۔ یاد رہے کہ عربی، انگلش، فرنچ اور اسپینش میں ترجمان پہلے ہی سے کمیشن میں موجود ہوتے ہیں ۔

8درخواست دینے کے بعد کیا ہوتا ہے

اگر آپ نے قوانین کو پورا کرتے ہوئے درخواست جمع کروا دی ہے تو اس صورت میں متعلقہ تھانے والے آپ کو تین ماہ کی پرمیسو دی سوجورنو جاری کر دیں گے ۔ یہ سوجورنو اس وقت تک رینیو کی جائے گی جب تک کہ علاقائی کمیشن والے آپ کی درخواست کا حتمی فیصلہ نہیں کر دیتے ۔

۔ اگر آپ اٹلی میں کاغذات اور پاسپورٹ وغیرہ کے بغیر داخل ہوئے ہیں تو اس صورت میں تھانے والے آپ کو ایک سنٹر میں روانہ کر دیں گے ، جہاں آپ بیس دن تک رہیں گے ، وہاں آپ کی شناخت کے لیے تفتیش وغیرہ کی جائے گی ۔ اگر کمیشن والے بیس دنوں میں آپ کی درخواست کی پڑتال نہیں کریں گے تو اس صورت میں تھانے والے آپ کو تین ماہ کی پرمیسو دی سوجورنو جاری کردیں گے جو کہ آپ کی درخواست کی پڑتال تک  رینیو کروائی جا سکے گی ۔ اگر آپ کے پاس رہنے کے لیے جگہ نہیں ہے تو آپ اپنے متعلقہ پریفی تورا یا پولیس کے دفتر میں جا کر رہائش کی درخواست کریں گے ۔ پولیس والے کمونے یا کارپوریشن والوں کو کہیں گے کہ وہ آپ کو کسی سنٹر وغیرہ میں رہائش دے دیں ۔

9یاد رکھیں کہ شناخت کرنے والے سنٹر میں

آپ کا علاج و معالجہ کیا جائے گا اور ہسپتال وغیرہ کی سہولت دی جائے گی ۔

۔ آپ اس سنٹر میں اپنے رشتہ داروں اور وکیل سے ملاقات کر سکیں گے ۔ یہ وکیل ACNUR  اور ایسی ایسوسی ایشنوں کی طرف سے دیا جاتا ہے جو کہ سیاسی پناہ گزینوں کی مدد کرتی ہیں اور ان ایسوسی ایشنوں کا اٹلی کی وزارت داخلہ کے ساتھ اس موزوں پر معاہدہ ہوتا  ہے ۔

۔ سنٹر میں اوقات کا احترام کرنا لازمی نہیں ہے لیکن رات کو واپس آنا لازمی ہے ۔ اگر آپ اپنے رشتہ داروں کو ملنے کے لیے ایک مدت چاہتے ہیں تو سنٹر کے ڈائریکٹر سے بات چیت کرنی ہو گی ۔ اگر آپ کو صحت یا فیملی مسائل ہیں تو اس صورت میں بھی سنٹر سے غیر حاضر رہا جا سکتا ہے ۔

۔ اگر آپ سنٹر سے بغیر اطلاع دیے غائب ہو جاتے ہیں اور ایک لمبی مدت تک واپس نہیں آتے تو اس صورت میں آپ کی سیاسی پناہ کی درخواست کینسل کر دی جائے گی ۔

10اگر آپ کی درخواست کینسل کر دی جائے تو

اگر آپ سنٹر میں مقیم ہیں تو اور آپ کی درخواست منسوخ کر دی گئی ہے تو اس صورت میں پانچ دنوں کے اندر آپ اپیل کر سکتے ہیں اور درخواست کی دوبارہ چھان بین کے لیے پوچھ سکتے ہیں ۔ علاقائی کمیشن کو یہ درخواست اس لیے دی جاتی ہے ، جب درخواست دہندہ یہ سمجھے کہ اس کی درخواست پر مکمل طور پر پڑتال نہیں کی گئی اور یہ چند اور کوائف پیش کرنا چاہتا ہے ۔ کمیشن کا صدر پندرہ دنوں میں یہ فیصلہ کرے گا کہ آپ کی اپیل منظور کی جائے یا نہ کی جائے ۔ ہر صورت میں اگر آپ اٹلی میں موجود ہیں یا نہیں ہیں ، آپ عام عدالت میں اپیل کر سکیں گے اور کمیشن کے فیصلے کو چیلنج کر سکیں گے ۔ دونوں صورتوں میں آپ کو اپنے علاقے والے تھانے یا پریفی تورا کو اطلاع کرنی ہو گی کہ آپ نے اپیل کی ہے ، اس لیے آپ کو ملک بدر ہونے کا نوٹس نہ فراہم کیا جائے ۔ اگر صوبائی پریفی تورا والے آپ کی درخواست کا جواب پانچ دنوں کے اندر دیں گے اور آپ کو بتائیں گے کہ آپ کس صورت میں اور کتنی مدت تک اٹلی میں رہ سکتے ہیں ۔

اگر آپ کی درخواست منظور ہو جائے تو

۔ اگر آپ کی سیاسی پناہ کی درخواست منظور ہو جائے تو اس صورت میں کمیشن والے آپ کو ایک کارڈ جاری کریں گے جو کہ سیاسی پناہ گزین کو دیا جاتا ہے ۔ جس پر یہ لکھا ہوتا ہے کہ آپ کی درخواست منظور ہو گئی ہے ۔

۔ اس کارڈ کے علاوہ تھانے والے آپ کو ایک سیاسی پناہ گزینوں کا ایک پاسپورٹ جاری کریں گے ۔ اس کے زریعے آپ دوسرے ممالک میں سفر کر سکیں گے ۔ اس پاسپورٹ کی مدت پرمیسو دی سوجورنو کی مدت کے برابر ہو گی ۔

۔ اٹالین شناختی کارڈ حاصل کرنے کے لیے آپ کو اپنے رہائشی علاقے والے کمونے میں جانا ہو گا ۔

۔ آپ ان تمام حقوق اور فرائض کا فائدہ اٹھا سکیں گے جو کہ ایک اٹالین شہری کو فراہم کیے جاتے ہیں ماسوائے وہ حقوق  جو کہ صرف اٹالین شہریت والوں کو دیے جاتے ہیں ، یعنی ووٹ ڈالنے کا حق اور سرکاری نوکری حاصل کرنے کا حق ۔

۔ حقوق حاصل کرنے کے بعد اگر آپ کو ایسے کاغذات کی ضرورت پڑی جو کہ آپ کے ملک سے میسر ہوتے ہیں تو اس صورت میں آپ کے ملک میں موجود اٹالین ایمبیسی آپ کی مدد کرے گی اور وہ تمام سندیں اور ڈپلومے وغیرہ حاصل کرے گی جو کہ آپ کے لیے اٹلی میں سود مند ثابت ہو سکتے ہیں ۔ اگر آپ کے ملک والے یہ کاغذات فراہم نہ کریں تو اس صورت میں اٹالین حکومت آپ کی مدد کرے گی ، جس کے تحت آپ کو آپ کی خصوصیات کے برابر والے کاغذات فراہم کر دیے جائیں گے ۔

۔ آپ کسی بھی صورت میں اپنے وطن واپس نہیں جائیں گے ۔ اگر آپ اپنے ملک واپس گئے تو اس صورت میں آپ کی سیاسی پناہ کینسل کر دی جائے گی ۔ اگر آپ اپنی مرضی کے مطابق اپنے ملک واپس جانے کا ارادہ کر چکے ہیں تو اس صورت میں آپ کو  اٹلی میں موجود آپ کے ملک کی ایمبیسی میں جانا ہو گا اور پاسپورٹ کی فراہمی کا پوچھنا ہو گا ۔

۔ وہ پاسپورٹ یا کاغذ جو کہ آپ کو تھانے والے فراہم کریں گے ۔ اس پر آپ دوسرے ممالک میں سفر کر سکیں گے لیکن تین ماہ سے زیادہ مدت تک نہیں رہ سکیں گے ۔ اس سفر کے لیے آپ کو اس ملک کا ویزہ حاصل نہیں کرنا ہو گا ۔ اگر آپ کسی دوسرے ملک میں لمبی مدت کے لیے کام وغیرہ کے لیے جانا چاہتے ہیں تو اس صورت میں آپ کو اس ملک کا ویزہ حاصل کرنا ہو گا اور اس ملک میں جانے کے بعد آپ کو اپنی سیاسی پناہ کی درخواست والا سارا سسٹم بھی اسی ملک میں ٹرانسفر کروانا ہو گا ۔

 

Joomla Templates and Joomla Extensions by ZooTemplate.Com

کرسمس کے دوران سفر کرنے کی گائیڈ

اٹلی میں موجود غیر ملکی ہمیشہ یہ سوال کرتے ہیں کہ وہ کیسے اپنے ملک واپس جائیں اور انہیں کونسے کاغذات فراہم کرنا ہوتے ہیں ۔ یا پھر یورپ کے کسی ملک میں سیر کرنے کے لیے کونسا طریقہ کار استعمال کیا جاتا ہے ۔ کئی سال گزر جانے کے بعد مختلف نئے حالات پیدا ہوئے ہیں ۔ اب پر میسو دی سوجورنو، سوجورنو کی رسید، پہلی سوجورنو کی رسید، کارتا دی سوجورنو اور دوسری کئی سوجورنو پیدا ہوگئی ہیں ۔ ان تمام کاغذات کو مدنظر رکھتے ہوئے ہم آپ کو ایک گائیڈ کے زریعے آپکے حقوق کے بارے میں بتاتے ہیں ۔

ویزے کے ساتھ ، سوجورنو اور کارتا دی سوجورنو کے ساتھ

یورپین یونین کے نئے قانون 265سال 2010 کے مطابق نئے ضابطے متعارف کروائے گئے ہیں ۔ جن کے تحت یورپین یونین کے شنگن کے ممالک میں سیر کے لیے جایا جا سکتا ہے۔

شنگن کے قانون کے مطابق تمام وہ غیر ملکی جنہوں نے اپنی پر میسو دی سوجورنو پہلی دفع  بنوانے کے لیے جمع کروا رکھی ہے ، انہیں اجازت دی گئی ہے کہ یہ سال کے کسی بھی حصے میں اپنے ملک ڈاک کی رسید کے ساتھ جا سکیں اور اسکے ساتھ ساتھ یورپ کے کسی بھی شنگن کے ملک میں تین ماہ تک سٹے کر سکیں بشرطیکہ انکے پاس Schengen uniformeوالا ویزہ موجود ہو  ۔ وہ غیر ملکی جو کہ اٹلی میں خاندانی ویزہ حاصل کرتے ہوئے یا پھر فلسی کے زریعے آئے ہیں ، انکی سوجورنو بہت دیر بعد جاری ہوتی ہے اور یہ اس عرصے میں یورپ میں سفر کرنے سے قاصر ہوتے تھے اب یہ لوگ شنگن ویزے کے زریعے سوجونو جاری ہونے سے قبل بھی یورپ کا سفر کر سکتے ہیں وہ غیر ملکی جن کے پاس عام پر میسو دی سوجورنو ہے ، یہ لوگ کسی بھی شنگن کے ملک میں تین مہینوں کے لیے سیر کے لیے جا سکتے ہیں لیکن کام نہیں کر سکتے ۔ اب تک شنگن کے ممالک میں اٹلی ، فرانس، جرمنی، اسپین، لکسمبرگ، بیلجیئم ، ہالینڈ، پرتگال، آسٹریا، یونان، سویڈن، ڈینمارک، فن لینڈ، ناروے ، آئی لینڈ ،ایستونیا، ہنگری، لیتونیا، لتوانیا، پولینڈ، سلووینیا، سلوواکیہ، مالٹا اور چیک ریپبلک اور سویٹزرلینڈ  شامل ہیں ۔ اگر آپ کسی دوسرے ملک میں جانے کے خواہش مند ہیں تو اس صورت میں آپ کو اس ملک کا ویزہ حاصل کرنا ہو گا ۔ یاد رہے کہ یورپ میں ٹرانزٹ کرنے کی اجازت ان کو دی گئی ہے ، جنہوں نے پہلی دفع  پر میسو دی سوجورنو رینیو کروانے کے لیے جمع کروا رکھی ہے اور ان کے پاس اٹلی کا کام کا ویزہ ہے ۔ اب اٹالین ایمبیسی تمام نئے آنے والوں کو شنگن ویزہ فراہم کرے گی۔ اس ویزے کو Dویزہ کہتے ہیں ۔ یا پھر وہ ویزہ جو کہ تین ماہ سے زیادہ مدت کا ہو ۔ وہ غیر ملکی جنہوں نے اپنی سوجورنو رینیو ہونے کے لیے جمع کروا رکھی ہے ۔ یہ لوگ شنگن کے ممالک میں ٹرانزٹ نہیں کر سکتے ۔ یہ لوگ اپنے ملک جا سکیں گے اور ان کے لیے ضروری ہو گا کہ یہ اپنے ساتھ پر میسو دی سوجورنو کی اصل ختم شدہ کاپی، رسید اور پاسپورٹ ساتھ لیکر جائیں ۔ ائرپورٹ پر انکی رسید پرمہر لگائی جائے گی اور واپسی پر اسے چیک کیا جائے گا ۔ انہیں یورپ میں ٹرانزٹ کرنے کی اجازت نہیں ہے ۔ وہ غیر ملکی جو کہ سوجورنو کے بغیر اٹلی میں آباد ہیں ، ان کے لیے ضروری ہے کہ یہ کسی بھی ملک کا سفر نہ کریں ۔ وہ غیر ملکی جنہوں نے گزشتہ امیگریشن میں ڈومیسٹک کام یا ملازمت کیوجہ سے سوجورنو کے لیے اپلائی کیا ہے ، انکے لیے بھی ضروری ہے کہ یہ پر میسو دی سوجورنو حاصل کرنے کے بعد کسی ملک کا سفر کریں ۔

اپنے بچوں کے ساتھ سفر کیسے کیا جائے

اگر آپ غیر ملکی ہیں اور آپ کے پاس لمبی مدت کا ڈی ویزہ نہیں ہے ، آپ نے پر میسو دی سوجورنو رینیو ہونے کے لیے جمع کروا رکھی ہے ، یا پھر پہلی دفع جمع کروائی ہے یا پھر آپ کے پاس کوئی رسید موجود ہو تو آپ یورپ کے کسی بھی ملک میں نہیں جا سکتے اور نہ ہی ٹرانزٹ کر سکتے ہیں ۔ جہاں تک بچوں کا تعلق ہے ، اب یورپین یونین کے نئے قانون 444 سال 2009 کے تحت والدین پر ضروری ہے کہ وہ بچوں کے علیحدہ زاتی پاسپورٹ بنوائیں ۔ 18 سال سے کم تمام بچوں کے لیے ضروری ہے کہ وہ اپنا پاسپورٹ بنوائیں۔ اگر بچوں کا اندراج والدین کے پاسپورٹ پر ہے تو اس صورت میں تمام صفر سے تین سال کے بچوں کا والدین کا پاسپورٹ 3 سال کے لیے ویلڈ ہوگا ۔ تین سال سے 18 سال کی عمر تک والدین کا پاسپورٹ 5 سال کا ویلڈ ہوگا ۔ بچوں کی عمر 18 سال ہونے پر یہ اپنا علیحدہ زاتی پاسپورٹ بنوائیں گے ۔ یہ قوانین صرف غیر یورپین امیگرنٹس کے لیے نہیں بلکہ یورپین یونین کے شہریوں کے لیے بھی لازمی ہیں ۔ اگر آپ اپنے ملک جانا چاہتے ہیں ۔ یا پھر کسی یورپین ملک کی سیر کے لیے روانہ ہونے کے خواہشمند ہیں تو آپ  اپنی کونسلیٹ یا ایمبیسی میں جا کر بچوں کا علیحدہ پاسپورٹ بنوا لیں ورنہ خواہ مخواہ آپ کو پریشانی کا سامنا کرنا ہوگا ۔ تمام ایمبیسیاں یہ چاہتی ہیں کہ جب بچوں کے علیحدہ پاسپورٹ بنیں تو دونوں والدین ایک فارم پر دستخط کریں ( چاہے وہ شادی شدہ نہ بھی ہوں ) ۔ اگر ان میں سے ایک حاضر نہ ہوسکے تو اس صورت میں غیر حاضر اپنا شناختی کارڈ اور اجازت نامہ لکھ کر بھیج دیتا ہے لیکن بعض ممالک اس اجازت نامے کو قبول نہیں کرتے ۔ اس لیے آپ اپنی ایمبیسی یا کونسلیٹ سے پوچھ لیں ۔ اگر آپ اپنے ملک جانا چاہتے ہیں تو آپ کے پاس پر میسو دی سوجورنو یا کارتا دی سوجورنو تو  بچوں کے علیحدہ پاسپورٹ ہونے ضروری ہیں ۔ اگر آپ نے سوجورنو رینیو ہونے کے لیے دے رکھی ہے تو اس صورت میں بھی ویلڈ پاسپورٹ، درخواست کی رسید اور ختم شدہ سوجورنو ساتھ لیکر جائیں اور شنگن کے کسی بھی ملک میں نہ جائیں ۔ اگر آپ کے پاس کارتا دی سوجورنو یا پر میسو دی سوجورنو موجود ہے تو آپ یورپ کے کسی بھی ملک میں سوجورنو اور پاسپورٹ کے ساتھ جا سکتے ہیں اور تین ماہ تک رہ سکتے ہیں ۔ اگر آپ اپنے بچوں کے ہمراہ جانا چاہتے ہیں تو انکے علیحدہ پاسپورٹ ہونے ضروری ہیں ۔ یاد رہے کہ اگر 14 سال سے کم بچے اپنے والدین کی بجائے کسی دوسرے کے ساتھ یورپ کے ملک میں جائیں تو اس صورت میں دونوں والدین کا اجازت نامہ ساتھ لیجانا ہوگا ۔ اگر بچہ والدین میں سے کسی ایک کے ساتھ سفر کرے تو اس صورت میں اجازت نامہ لیجانا ضروری نہیں ۔ اٹالین میں گائیڈ پڑھنے کے لیے ہماری سائٹ کا وزٹ کریں ۔ www.stranieriinitalia,it

 

Joomla Templates and Joomla Extensions by ZooTemplate.Com

امیگریشن کے ٹیکس کی رسیدیں خود دفتر والے روانہ کریں گے

altروم۔ 11 اکتوبر 2012 ۔۔۔ وہ پاکستانی جنہوں نے ڈومیسٹک کام کے کنٹریکٹ سے امیگریشن میں درخواست دی ہے ۔ وہ پریشان نہ ہوں کیونکہ INPSیا ٹیکس کے دفتر والے خود ان کے مالکان کو رسیدیں پوسٹ کردیں گے ۔ ڈومیسٹک کام میں colf, bandanti o babysitterکے عہدے شامل ہیں ۔ اکتوبر میں ڈومیسٹک کام کے 3 ماہ کے ٹیکس جمع کروائے جاتے ہیں لیکن ان میں وہ غیر ملکی شامل نہیں ہیں ، جنہوں نے اب موجودہ امیگریشن میں درخواست دی ہے ۔ اس امیگریشن میں 60 ہزار سے زائد مالکان نے ڈومیسٹک کام کے کنٹریکٹ کے زریعے انمپس دفتر کو ہر ورکر پر ایک ہزار یورو جمع کروادیے ہیں ۔ اب انمپس والوں کے پاس ان مالکان کے ایڈریس موجود ہیں اور اب وہ خود ہی ان سے رابطہ کرلیں گے ۔ انمپس والے امیگریشن میں اپلائی کرنے والے غیر ملکی کا عہدہ اور کنٹریکٹ کے اوقات دیکھ کر ٹیکس معین کریں گے اور تقریبا 6 ماہ کے ٹیکس جمع کروائیں گے ۔ ڈومیسٹک کام کے مالکان کی ایسوسی ایشن Assindatcolfنے کہا ہے کہ اب انمپس والے خود مالکان سے رابطہ کریں گے اور انہیں رسیدیں MAVروانہ کردیں گے ۔ جو کہ ڈاک کے زریعے انکے گھر کے ایڈریس پر روانہ ہونگی ۔ جب یہ رسیدیں گھر پر آئيں گی تو مالکان کا فرض ہوگا کہ وہ انہیں 30 دنوں کے اندر جمع کروادیں ۔ یہ رسیدیں بنک یا پوسٹ آفس کے دفاتر سے ادا کی جائیں گی ۔ یعنی ان رسیدوں کے لیے وہ طریقہ کار استعمال نہیں کیا جائے گا جو کہ عام ڈومیسٹک ملازم کے لیے استعمال ہوتا ہے ۔ ٹیکس جمع کروانے کے لیے ورکر کے لیول اور کنٹریکٹ کو مدنظر رکھا جاتا ہے ۔ ایک پارٹ ٹائم جس کا لیول B  ہے اور اور اس کا ہفتہ کا کنٹریکٹ 20 گھنٹوں کا ہے وہ 364 یورو ادا کرے گا ۔ یاد رہے کہ یہ ٹیکس 3 مہینوں پر مبنی ہوتا ہے ۔ اسکے بعد بی سٹر جس کا لیول BSہے اور وہ پارٹ ٹائم  30 گھنٹے کا کام کرتی ہے یا کرتا ہے اور اسی گھر میں رہائش پذیر ہے اسے 80، 397 یورو جمع کروانے ہونگے ۔ اسکے بعد بادانتے یا ضعیفوں کی دیکھ بال کرنے والا جس کا کنٹریکٹ ہفتہ وار 54 گھنٹوں کا ہے اور اس کا لیول CSہے وہ 716،04 ٹیکس جمع کروائے گا ۔

 

 

 

Joomla Templates and Joomla Extensions by ZooTemplate.Com