Tuesday, Mar 02nd

Last update06:26:21 PM GMT

RSS

بریشیا میں اٹالین جوان کا قبول اسلام

 بریشیا (حاجی وحید پرویز) 11مئی 2013کو کالچیناتو (CALCINATO) مسجد میں بعد نماز مغرب ایک پروقار تقریب کا اہتمام کیا گیا جس میں اٹالین جوان نکولا جس کی عمر 39سال ہے اور وہ بنیولامیلا (BAGNOLO MELLA) میں رہائیش پزیر ہے کو ایک اٹالین نو مسلم آدم صاحب نے کلمہ شہادت پڑھا کر دائرہ اسلام میں داخل کیا- یاد رہے آدم صاحب کچھ عرصہ قبل اسلام قبول کر کے اسلامی تعلیمات بھی حاصل کر چکے ہیں اور وقتا“ فوقتا“ شوقیہ طور پر امامت کے فرائض بھی سر انجام دیتے رہتے ہیں- نکولا کا نیا اسلامی نام “راشد“ رکھا گیا ہے- مسجد میں مراکش، پاکستان اور افریقی مسلمانوں کی ایک کثیر تعداد موجود تھی- راشد نے جب کلمہ پڑھا تو مسجد کی فضا الله“اکبر کے نعروں سے گونج اٹھی-راشد بھائی نے اپنے خیالات کا اظہار کرتے ہوئے اسلام قبول کرنے پر خوشی کا اظہار کیا- بعد ازیں آزاد کے لیے حاجی وحید پرویز کو دیے گئے اپنے انٹرویو میں انھوں نے بتایا کہ وہ کئی سالوں سے مختلف مزاہب کا مطالعہ کر رہے تھے لیکن انہیں اطمینان حاصل نہیں ہو رہا تھا لیکن جب انہوں نے اسلام کا مطالعہ کیا تو ان کے دل و دماغ نے اس سچائی کی فورا“گواہی دے دی- اپنے کام کے ساتھی اور دوست ابراہیم جن کا تعلق سینیگال سے ہے کا خصوصی شکریہ ادا کرتے ہوئے راشد نے بتایا کہ ابراہیم نے اسلامی تعلیمات کو سمجھنے میں میری بہت مدد کی ہے- تقریب کے اختمام پر شرکا کی پلاؤ،کسکس،میٹھے اور قہوے سے تواضح کی گئی-

Joomla Templates and Joomla Extensions by ZooTemplate.Com

روم میں تحریک انصاف کا کامیاب اجلاس

روم، 9 مئی 2013 ۔۔۔ اٹلی کے دارالخلافہ روم کے ساحلی قصبے لوینیو میں 5 مئی کے روز تحریک انصاف کا کامیاب اجلاس منعقد کیا گیا ۔ چوہدری عامر بسرا ایڈووکیٹ نے محفل شروع ہونے کا اعلان کیا اور اسکے بعد حافظ ساجد کو تلاوت کلام پاک کے لیے دعوت دی گئی ۔ اسکے بعد شیخ اشفاق نے نعت شریف پیش کی ۔ اسٹیج پربیھٹنے کے لیے  مہمانان گرامی کو دعوت دی گئی ، جن میں ندیم یوسف ایڈووکیٹ مہمان خصوصی کے علاوہ مسسز حنا عروج، خالد کیانی، شیخ خالد اور امجد اکرام موجود تھے ۔ سدرہ عامر اور عامر بسرا نے میزبانی کا کردار ادا کیا ۔ فیصل بٹ نے ملی نغمہ " میں بھی پاکستان ہوں ، تو بھی پاکستان ہے " پیش کیا اور عوام نے خوب تالیاں بجائیں ۔ سب سے پہلے تحریک انصاف اٹلی کی انفارمیشن سیکرٹری حنا عروج نے تقریر کی اور کہا کہ آج اٹلی کے تمام شہروں سے اور اسکے علاوہ یورپ کے دوسرے ممالک سے مہمانان گرامی تشریف لائے ہیں اور ہم انکے شکرگزار ہیں ۔ اس اجلاس میں خواتین کی موجودگی اس بات کی گواہی ہے کہ عورتیں بھی مردوں کے ہمراہ ملکر نیا پاکستان بنانے کا خواب دیکھ رہی ہیں ۔ انہوں نے اٹلی کی تحریک انصاف کا سپاسنامہ پیش کیا اور کہا کہ تحریک انصاف اٹلی 11 سال کی مدت سے کام کررہی ہے اور ہمارے پیارے لیڈر اور کوارڈینیٹر ندیم یوسف گزشتہ 17 سال سے تحریک انصاف کے ساتھ منسلک ہیں ۔ حنا عروج نے کہا کہ آج پورے اٹلی میں پی ٹی آئی کے پرچم لہرا رہے ہیں اور پارٹی کے علاوہ یوتھ ونگ اور خواتین ونگ کا انعقاد بھی ہو چکا ہے ۔ یاد رہے کہ ندیم یوسف کی قیادت میں 2009 سے لیکر اب تک عمران خان، ڈاکٹر علوی، فوزیہ قصوری اور اسکے علاوہ پارٹی کی اہم شخصیات اٹلی کا دورہ کر چکی ہیں اور کافی چندہ جمع کرکے انکے حوالے کردیا گیا ہے ۔ ندیم یوسف نے اٹلی کے علاوہ دوسرے یورپین ممالک جیسے فرانس، جرمنی ، سویٹزرلینڈ اور دوسرے کئی ممالک میں پی ٹی آئی کو منظم کرنے کے لیے کردار ادا کیا ہے ۔ حنا عروج نے کہا کہ ہم تحریک انصاف کی قیادت میں علامہ اقبال اور قائد اعظم کا خواب پورا کریں گے ۔ انکی تقریر کے دوران ڈاکٹر فوزیہ قصوری کا فون آگیا اور انہوں نے فون کے زریعے اٹلی کے تارکین وطن اور اجلاس میں موجود پاکستانیوں سے اظہار خیال کیا ۔ انہوں نے کہا کہ تارکین وطن ملک کا اثاثہ ہیں اور عمران خان خود چاہتے ہیں کہ اوورسیز پاکستانیوں کے لیے سہولیات پیدا کریں ۔ ہم چاہتے ہیں کہ آپ لوگ پاکستان میں انوسٹمنٹ کریں ۔ اس مقصد کے لیے پارٹی نے ایک پالیسی تیار کررکھی ہے ۔ انہوں نے ایک سوال کا جواب دیتے ہوئے کہا کہ طالبان کے 36 گروپ ہیں اور ہر گروپ نے ہتھیار نہیں اٹھائے ہوئے ۔ ان سے ڈائیلاگ ضروری ہے اور صرف ہم نہیں بلکہ امریکہ بھی ان سے ڈائیلاگ کرنا چاہتا ہے ۔ انکی تقریر کے بعد ٹیوی پر عمران خان کا شو دکھایا گیا ، جس میں انہوں نے کینسر کے ہسپتال بنانے کی تاریخ اور وجہ بیان کی ۔ اسکے بعد سیکرٹری فارن آفیئر طارق میر نے تقریر کرتے ہوئے کہا کہ پورے یورپ میں کمپین چل چکی ہے ۔ نیا پاکستان بن کررہے گا ۔ ہمارے پیارے قائد عمران خان جو کہتے ہیں ، اسے پورا کرتے ہیں ۔ ہمیں یقین ہے کہ 11 مئی کو ہم کامیاب ہونگے ۔ انکے بعد اٹلی کی سب سے پہلی پاکستانی صحافی لڑکی ریما نعیم نے اپنے خیالات کا اظہار کیا اور کہا کہ میں پہلی دفع کسی سیاسی پارٹی کی تقریب میں شامل ہوئی ہوں ۔ میں نئی جنریشن سے امید کرتی ہوں کہ وہ پاکستان کا نام روشن کرے گی ۔ مسسز دردانہ شاہ نے اپنی تقریر میں کہا کہ ہم نے کسی برادری کو ووٹ نہیں دینا بلکہ اپنا ووٹ کاسٹ کرنا ہے ، ہمیں جاہئے کہ ہم فون کرتے ہوئے ووٹ کا صحیح استعمال کریں ۔ عمران خان کی قیادت ہمیں امریکہ کی غلامی سے نجات دلوا سکتی ہے ۔ عمران خان آوے ای آوے ۔ ڈنمارک سے تشریف لائے ہوئے میاں طارق نے اپنے خیالات کا اظہار کیا ۔ اسکے بعد نعیم الحق نے فون کے زریعے بات چیت کی ۔ نعیم الحق نے اپنی ولولہ انگیز تقریر سے عوام کے دل جیت لیے ۔ خالد کیانی نے ہندوکو میں تقریر کرتے ہوئے عمران خان کی قیادت پر روشنی ڈالی ۔ امجد اکرم نے اپنی تقریر کے زریعے تحریک انصاف کی خصوصیات پر تفصیل پیش کی اور اسپیشل طور پر اس اجلاس کے لیے میلان سے تشریف لائے ۔ میزبان عامر بسرا ایڈووکیٹ نے اجلاس کی کامیابی پر تمام حاضرین کا شکریہ ادا کیا اور اسکے بعد چائے مٹھائی و کھانا پیش کیا گيا ۔ اجلاس کی سب سے اہم شخصیت بابا شریف تھے ، جن کے نعروں نے عوام میں خوشی کی لہر پیدا کردی ۔ تحریر، اعجاز احمد

Joomla Templates and Joomla Extensions by ZooTemplate.Com

سسلی میں کرکٹ ٹورنامنٹ میں پاکستانی ٹیم فائنل میں

سسلی، 9 مئی 2013 ۔۔۔ سسلی کے شہر پلیرمو میں حالیہ کرکٹ ٹورنامنٹ کے مقابلوں میں پاکستانی ٹیم اعلی کارکردگی کی بنا پر فائنل میں پہنچ گئی ہے ۔ پلیرمو کے ملٹی کلچرل منصوبے Palermo apre le porte  کے تحت یہ ٹورنامنٹ منعقد کیا گيا ہے ۔ اس میں 4 ٹیمیوں نے حصہ لیا ہے ۔ اس میں 2 ٹیمیں سری لنکا کی ہیں اور اسکے بعد پاکستان اور بنگلہ دیش کی ٹیمیں موجود ہیں ۔ پاکستان کی ٹیم کا نام کنگ ان پلیرمو ہے ۔ ان ٹیموں کے کھلاڑی سسلی میں آباد ہیں ۔ یہ ٹورنامنٹ 7 مئی کو شروع ہوا تھا اور اس کا فائنل میچ 31 مئی کو کھیلا جا رہا ہے ۔ فائنل سری لنکا اور پاکستان کی ٹیم کے مابین ہوگا اور شائقین کی کافی تعداد شرکت کرے گی ۔ پاکستانی ٹیم کے کپتان اقتدار حسین نے کہا کہ ہماری ٹیم فائنل کے لیے تیاری کررہی ہے اور ہم امید کرتے ہیں کہ ہم اپنی بہترین بیٹنگ اور عمدہ  فیلڈنگ کے زریعے ٹورنامنٹ جیتنے میں کامیاب ہو جائیں گے ۔ رپورٹ ، سید شہزاد حسین نمائندہ آزاد سسلی

Joomla Templates and Joomla Extensions by ZooTemplate.Com

آخری تازہ کاری بوقت جمعرات, 09 مئی 2013 21:01

اعجاز احمد روم کی میونسپل کمیٹی کے الیکشن میں حصہ لے رہے ہیں

تحریر، شیر علی ۔ آزاد کے ایڈیٹر اعجاز احمد روم کی میونسپل کمیٹی دوئم کے الیکشن میں حصہ لے رہے ہیں ۔ روم میں آباد تمام پاکستانیوں سے اپیل کی جاتی ہے کہ وہ اعجاز احمد کی کمپین میں حصہ لیتے ہوئے انہیں کامیاب بنائیں ۔ اعجاز احمد 23 سال سے اٹلی میں آباد ہیں اور آزاد کے اخبار کے علاوہ ثقافتی ترجمان کا کام بھی کرتے ہیں اور پاکستانی ثقافت و اسلام کی پروموشن کے لیے یورپ اور اٹلی میں بقول صحافی اور میڈیا کمنٹیٹر کے طور پر خدمات سرانجام دے رہے ہیں ۔ انہوں نے اپنے ایک بیان میں کہا کہ وہ پاکستانی جو کہ اٹالین پاسپورٹ حاصل کرچکے ہیں ، انہیں چاہئے کہ وہ اٹلی کی سیاست میں بھرپور شرکت کریں ۔ دوسری کمونٹیوں کے غیر ملکی تیزی سے اٹلی کی سیاست میں اپنا نام کمارہے ہیں ۔ میں نے روم کی میونسپل کمیٹی دوئم کے الکیشن میں حصہ لیا ہے ۔ روم میں کمونے اور میونسپل کمیٹی کے الیکشن 26 اور 26 مئی کو کرائے جا رہے ہیں ۔ میں نے Lista Civica per Marinoکی لسٹ کے زریعے کونصلر کے الیکشن میں حصہ لینے کا فیصلہ کیا ہے ۔ اس میونسپل کمیٹی کی آبادی 1 لاکھ 50 ہزار ہے اور اسے Municipio IIکہتے ہیں ۔ میں نے اپنی کمپین شروع کردی ہے اور فیس بک پر ایک صفحہ بھی بنا دیا ہے ۔ میرا تعارف میری وہ خدمات ہیں ، جن کے زریعے مجھے وزارت داخلہ کی اسلامی کونصل میں شامل کیا گیا ہے اور اگر آپ وکی پیڈیا میں جائیں تو اٹلی کے پاکستانیوں میں آپکو میرا نام ملے گا ۔ میں نے ہمیشہ پاکستان اور پاکستانیوں کی شناخت اور پرچار کے لیے کاوشیں کی ہیں ۔ آپ میرے فیس بک کے صفحے کو کلک کرتے ہوئے میری کمپین میں حصہ لیں ۔ فیس بک پر Ti Piace پر کلک کریں ۔ شکریہ

https://www.facebook.com/pages/Ahmad-EJAZ/509011259160238

 

 

 

Joomla Templates and Joomla Extensions by ZooTemplate.Com

آخری تازہ کاری بوقت اتوار, 05 مئی 2013 11:21

چلو چلو لوینیو چلو

روم، 3 مئی 2013 ۔۔۔۔ اٹلی کے دارالخلافہ روم کے ساحلی قصبے لوینیو میں تحریک انصاف اٹلی کا عظیم الشان جلسہ بروز اتوار 5 مئی شام 3 بجے منعقد کیا جا رہا ہے ۔ جلسے کے مہمان خصوصی اٹلی کی مشہور و معروف شخصیت اور تحریک انصاف اٹلی کے کوارڈینیٹر ندیم یوسف ہیں ۔ اٹلی میں آباد تمام خواتین و حضرات کو دعوت عام دی جاتی ہے ۔ میزبان عامر صدیق بسراایڈووکیٹ نے اپنے ایک بیان میں کہا کہ جلسے کی تیاریاں مکمل ہو چکی ہیں اور پورے اٹلی سے تارکین وطن شمولیت کے لیے تشریف لارہے ہیں ، سب سے زیادہ فون فیملیوں کے آرہے ہیں ۔ نیا پاکستان کا نعرہ حقیقت بن رہا ہے اور عوام کی بھاری اکثریت کی شمولیت اس بات کی گواہی ہے کہ لوگ عمران خان کی لیڈرشپ کے زریعے پاکستان کو بدلنے کا عہد کرچکے ہیں ۔ ہم تہہ دل سے اٹلی کے تمام مہمانان گرامی کو گرم جوشی سے خوش آمدید کہتے ہیں اور امید کرتے ہیں کہ لوگ وقت پر پہنچ کر جلسے کی رونق کو دوبالا کریں گے ۔ اس جلسے کا مقصد عوام میں قومی ولولہ اجاگر کرنا، سیاست سے دلچسپی، تحریک انصاف کی یقین دہانی اور امید کی کرن پیدا کرنا ہے ۔ ہمارا ملک پرانے سیاست دانوں سے تنگ آچکا ہے اور تبدیلی کا خواہشمند ہے ۔ اگر آپ اپنے پیارے ملک کو بچانا چاہتے ہیں تو ہمارا ساتھ دیں ۔

جلسے کی استقبالیہ میں عامر صدیق بسراایڈووکیٹ، شیخ خالد، شیخ تنویر، فاروق چوہدری، تحریک انصاف اٹلی کی وومن ونگ اٹلی کی صدر سدرا عامر، انفارمیشن سیکرٹری حنا عروج چوہدری اور دوسری اہم شخصیات شامل ہیں ۔ تمام خواتین و حضرات جلسے کی جگہ کا ایڈریس نوٹ فرمائیں

Viale Di Valle Schioia 67 Lavinio

 3203459644, 3331856444, 3779863490موبائل

Joomla Templates and Joomla Extensions by ZooTemplate.Com