Sunday, Apr 30th

Last update08:57:59 PM GMT

RSS

آزاد کیوں بند ہے

  

 خواتین و حضرات اٹلی میں معاشی بحران کیوجہ سے ہم نے آزاد کو بند کررکھا ہے لیکن جونہی ہمارے مسائل حل ہونگے ، ہم آپکی خدمت میں حاضر ہو جائیں گے۔

Joomla Templates and Joomla Extensions by ZooTemplate.Com

آخری تازہ کاری بوقت بدھ, 02 ستمبر 2015 19:18

دہشت گرد گروہ نے ترجمان کو بھی دھمکی دی تھی

روم۔ 26 اپریل 2015 ۔۔۔۔ اٹالین اخبارات کے مطابق گزشتہ دو دنوں میں پاکستانی دہشت گرد گروہ کے 10 افراد گرفتار ہو چکے ہیں اور باقیوں کی تلاش جاری ہے ۔ نئے انکشافات کے مطابق اٹالین پولیس نے بتایا کہ انہوں نے انٹرپول کے زریعے پاکستانی پولیس کو بھی گروہ کے مشن کے بارے اطلاع فراہم کردی تھی لیکن پولیس کے ایک اعلی افسر  نے 20 سے 25 لاکھ رشوت حاصل کرتے ہوئے گروہ کے سرغنہ سلطان ولی خان کو تفتیش کے بارے میں بتا دیا تھا اور یہ بھی کہا تھا کہ اٹالین پولیس تم لوگوں کا پیچھا کر رہی ہے ۔ حتی کہ پاکستانی پولیس کے ایک دوسرے افسر نے انٹرپول کی ای میل گروہ کے حوالے کردی تھی۔ 8 جنوری 2009 کے دن سلطان خان نے فون پر بات کرتے ہوئے کہا تھا کہ فلاں پٹھان سے خبردار رہنا کیونکہ وہ پولیس کا مخبر اور ترجمان ہے اور حرامی انسان ہے ۔ پولیس کے مطابق سلطان خان نے ترجمان کو قتل کرنے کے لیے ایک شخص کی مدد بھی حاصل کی تھی ۔ اٹالین پولیس کے مطابق سلطان خان اپنے زون کا با اثر شخص ہے اور پولیس والے بھی اسکے ساتھ تعاون کرتے ہیں ۔ ایک فون ٹیپ کے دوران سلطان خان نے اپنے علاقے کے دشمن گروپ کے لواحقین اور بچوں تک کو قتل کرنے کے لیے کہا تھا اور اٹالین پولیس نے پاکستانی پولیس کو باور کردیا تھا کہ وہ بڑی خون ریزی کا پروگرام بنا رہا ہے لیکن پاکستانی پولیس نے فوری طور پر سلطان خان کو باخبر کردیا تھا ۔ اسکے علاوہ آج کی اخبار مسیجیرو میں یہ بھی لکھا ہے کہ بیرگامو کا امام حافظ ذوالفقار جو کہ تصویر میں موجود ہے اپنے آپ کو اسامہ بن لادن کا بھائی کہہ کر پکارتا تھا ۔

Joomla Templates and Joomla Extensions by ZooTemplate.Com

ایمبیسی میں وومن ایسوسی ایشن کی جانب سے فوڈ فیسٹیول کا اہتمام

وومن ایسوسی ایشن روم ،جس میں صدر پاکستانی ایمبیسڈر تہمینہ جنجوعہ ،وائس پریذیڈنٹ شاہدہ اور جنرل سکریٹری ثمینہ رب ہیں اور روم میں رہائش پذہر خواتین اسکی اراکین ہیں  ۔  19 اپریل بروز اتوار پاکستا ن ایمبیسی میں فوڈ فیسٹول کا اہتمام کیاگیا۔جس میں پاکستانی روایتی کھانوں کا اہتمام کیا گیا تھا جس میں سموسے،پکوڑے ۔حلوہ پوری ،باربی کیو،بریانی،مٹر پلاؤ،چکن،کوفتے،دال ،سبزی،روٹی ،نان،رائتہ، مٹھائی اور لسی کا انتظام تھا ۔ یہ وویمن ایسوسی ایشن کی محنت کا منہ بولتا ثبوت تھا  کہ اٹالین اور دوسری قوموں کے مہمانان گرامی  نے بہت شوق سے پاکستانی کھانے کھائے اور بہت سراہا۔ اس فیسٹول کی خاص بات یہ بھی تھی کہ مرد حضرات نے خواتین کے شانہ بشانہ کام کیا اور بھرپور تعاون کا ثبوت دیا۔فوڈ فیسٹول دن گیارہ بجے سے شام 4 بجے تک جاری رہا۔اس فیسٹول کی ایک خاص بات یہ بھی تھی کہ ہم نے اٹالین لوگوں کو اپنی تاریخ سے آگاہ کیا اور اس سلسلے میں پاکستانی ڈاکومینٹری فلم کا بھی اہتمام کیا گیا ۔جن جن خواتین و حضرات نے اس فیسٹول میں کسی بھی طرح حصہ لیا وہ قابل تعریف ہیں ۔امید کرتی ہوں کہ آئندہ بھی اس طرح کے فیسٹول منعقد کیے جاتے رہیں گے جس سے ہم اپنے کلچر کو واضح طور پہ روشناس کرا سکیں گے اور خواتین کو اپنی صلاحتیں مزید دکھانے کا موقع ملتا رہے گا۔ نگہت شفیق ۔روم

Joomla Templates and Joomla Extensions by ZooTemplate.Com

آخری تازہ کاری بوقت اتوار, 26 اپریل 2015 21:14

پاکستان میں پورتو کو ہلاک کرد یا گیا

روم،24 اپریل 2015- پاکستان میں  تین سال قبل 21 جنوری کے روز ملتان سے ایک اٹالین جوانی لو پورتو کو اغوا کر لیا گیا تھا ، ابھی تک اسکے اغوا کی کوئی خبر نہیں آرہی تھی ۔ اسکے لواحقین اور اٹالین حکومت جوانی کے اغوا کے سلسلے میں سخت پریشان تھے ۔ اسکے خاندان نے اپیل کی تھی کہ اسے فوری طور پر رہا کر دیا جائے ۔ جوانی پاکستانی عوام سے محبت کرتا تھا اور یہ اسی سلسلے میں پاکستان میں سیلاب زدگان کی مدد کے لیے کام کر رہا تھا ۔ جوانی کا تعلق اٹلی کے جزیرے altسسلی کے شہر پلیرمو سے ہے ۔ جوانی اکتوبر کے مہینے میں پاکستان میں آیا تھا اور سیلاب زدگان کے لیے گھر تعمیر کر رہا تھا ۔ یاد رہے کہ گزشتہ سیلاب میں پاکستان میں 4 ہزار سے زائد افراد ہلاک ہوئے تھے اور لاکھوں پاکستانی اپنا گھر کھو بیٹھے تھے ۔ جوانی ایک جرمن این جی او کے لیے کام کر رہا تھا ، جس کا نام welthungerhilfeہے ۔ یہ اس این جی او میں پراجیکٹ مینجر ہے اور اسکے ساتھ اسکے ایک ہالینڈ کے ساتھی کو بھی اغوا کر لیا گیا تھا ۔ جوانی نے انگلینڈ کے بہترین یونیورسٹیوں سے دو ڈگریاں حاصل کی تھیں اور وہ اس سے قبل کئی مشہور این جی او میں کام کر چکا تھا ، جس میں اٹالین ایمرجنسی بھی شامل ہے ۔ جوانی اور اسکے ساتھی کو چار ڈاکوؤں نے اغوا کیا تھا ، ان کے پاس اسلحہ تھا ۔ جوانی کے ساتھی کا تعلق ہالینڈ سے ہے اور اسکی عمر 45 سال تھی ۔ اٹالین اخبار کے مطابق انکے اغوا کا پتا چلانا بہت مشکل تھا ۔ پاکستان میں  کرپٹ سیاست، مذہبی جنونیت اور آسان دولت جیسے اجزا کی موجودگی میں کوئی بھی آئیڈیا لگایا جا سکتاتھا ۔

اوپر والی خبر آزاد نے تین سال پہلے لگائی تھی اور اب نئی خبر کے مطابق لو پورتو کو جنوری 2015 میں ایک امریکی اغوا کے ہمراہ امریکہ ہی کے ایک ڈرون حملے نے پاکستان میں ہلاک کر دیا ہے ۔ تین دن قبل صدر اوباما نے اٹالین وزیر اعظم رینسی کو فون کرتے ہوئے پورتو کی موت کی اطلاع فراہم کردی ہے اور معافی بھی مانگی ہے ۔ انہوں نے کہا ہے کہ امریکی سی آئی اے نے ایک حملے میں دہشت گردوں کو ہلاک کرنے کے لیے ڈرون حملہ کیا اور انہیں بعد میں پتا چلا کہ اسی کمپاؤنڈ میں ایک امریکی ہینسٹائن اور اٹالین اغواشدہ بھی شامل تھے ۔ پورے اٹلی میں لو پورتو کی موت پر بحث ہو رہی ہے اور اٹالین خفیہ تنظیم اور حکومت کے خلاف تنقیدی بحث ہو رہی ہے ۔ اٹالین حکومت نے بتایا کہ ہمیں معلوم تھا کہ لوپورتو زندہ ہے اور ہم اسکی بازیابی کے لیے کام کر رہے تھے ۔ یاد رہے کہ ہالینڈ کے شہری کو ازاد کروالیاگیا تھا لیکن لوپورتو کی تلاش جاری تھی ۔ اٹالین وزیر اعظم نے پورتو کے خاندان کو اسکی موت کی خبر سنا دی ہے اور انتہائی افسوس کا اظہار کیا ہے ۔ انہوں نے کہا کہ ہم پورتو کی میت ضرور حاصل کریں گے اور اسے اٹلی لائیں گے ۔

 

Joomla Templates and Joomla Extensions by ZooTemplate.Com

آخری تازہ کاری بوقت جمعہ, 24 اپریل 2015 20:34

منظور حسین باربر شاپ کا افتتاح

روم۔ 28 فروری 2015 ۔۔۔۔ خواتین و حضرات روم کے مشہور و معروف زون تور پینیا تارا میں منظور حسین باربر شاپ و بیوٹی پارلرکا افتتاح کر دیا گیا ہے ۔ 5 یورو میں بچے اور مرد اپنے بال کٹوا سکتے ہیں ۔ عورتوں کے لیے علیحدہ انتظام کیا گیا ہے اور انکے لیے الگ شاندار کمرہ تیار کیا گیا ہے ۔ جہاں وہ ایک عورت بیوٹی پارلر کی مدد سے اپنے بال کٹوا سکتی ہیں اور بالوں کو کلر بھی کروا سکتی ہیں ۔ پاکستانی بچے، مرد اور عورتوں کے لیے اسپیشل قیمت کا اجرا کیا جائے گا ۔ تمام اہل وطن سے گزارش ہے کہ وہ منظور حسین کی بیوٹی پارلر شاپ سے فائدہ اٹھائیں اور انہیں خدمت کا موقع فراہم کریں ۔ دکان بغیر کسی چھٹی کے ہر روز صبح 8 بجے سے لیکر رات 10 بجے تک کھلی رہتی ہے ۔  ایڈریس نوٹ فرمائیں

‎Vita Sana Parrucchiere

Via Benedetto Bordoni, 11. Torpignattara 00176 Roma

Cell: 388.8350962

 

 

Joomla Templates and Joomla Extensions by ZooTemplate.Com

آخری تازہ کاری بوقت ہفتہ, 28 فروری 2015 18:35